சொந்த அனுபவம்..(மகான்களின் வாழ்க்கையில்)

இந்த "மகான்களின் வாழ்க்கையில்" என்கிற இந்தத் தொடர், நம் உலகில் வாழ்ந்த பல அறிஞர்கள், மகான்கள், வாழ்க்கையில் உச்சத்தை(பொருளாதார நிலையில்) அடைந்தவர்கள், பேரறிஞர்கள் போன்றவர்களின் வாழ்க்கையில் நடந்த சில சுவையான, படிப்பினைத் தரும் நிகழ்ச்சிகளை தொகுப்பாக்கும் ஒரு சிறு முயற்சியே....

இந்தியாவில் பல இடங்களில் கணவனை இழந்த பெண்கள் உடன்கட்டை ஏறும் பழக்கத்தை ஒழிப்பதற்குத் தீவிரமாகப் பாடுபட்டு வெற்றி கண்டவர் ராஜாராம் மோகன்ராய் என்பது நமக்குத் தெரியும்.

இந்த விஷயத்தில் மோகன்ராய் இவ்வளவு தீவிரமான முயற்சியில் ஈடுபட்டதற்கு அவருடைய சேவை மனப்பான்மை ஒரு காரணம் என்றாலும் , மற்றொரு முக்கியமான காரணம் உண்டு. அவருடைய அண்ணன் சற்றும் எதிர்பாராத நிலையில் மரணம் அடைந்துவிட்டார்.

அப்போது இருந்த வழக்கத்தின்படி அண்ணன் மனைவியை துடிக்கத் துடிக்க அண்ணன் சிதையில் போட்டு எரித்துவிட்டார்கள். 

அந்தக் காட்சியைக் கண்டு ராஜாராம் மோகன்ராய் துடிதுடித்துப் போய்விட்டார்.

அந்த கணமே இந்த கொடுமையான உடன்கட்டை ஏறும் பழக்கத்தை எதிர்த்துப் போராட ஆரம்பித்தார்.