பிரச்சனைகள் வரும்போது....

நமது வெற்றித் தோல்விகளை நம்முடைய மனதுதான் தீர்மானிக்கிறது. நமக்கு முன்னே ஒரு சவால் ஒரு பிரச்சனை இருந்தால், அதைத் தீர்க்க நாம் என்ன நடவடிக்கை எடுக்கிறோம் என்பதைப் பொறுத்துதான் நம் வெற்றித் தோல்விகள் அமைகிறது.

நாம் நம்முடைய வரலாற்றைப் பார்க்கும்போது மனிதகுலம் காட்டில்தான் தோன்றியது. அன்றிலிருந்து மனிதன் எதிர்நோக்கிய சவால்கள்தான் எத்தனை, எத்தனை. இயற்கையோடு இன்று வரை நாம் போராடிக் கொண்டுதான் இருக்கிறோம். 

எனவே பிரச்சனை என்று வரும்போது ஓடும் கோழைத் தனத்தை விட எதிர்த்து நின்று போராடும் குணம் தான் நம்மை செம்மைப் படுத்தும். 

மகாபாரதத்தை பார்த்தோமானால், பிரச்சனை வரும்போது அர்ஜுனன் தப்பியோட நினைக்கும்போது தான் பகவத்கீதையே நமக்கு கிடைத்தது. சவால்கள் வரும்போது ஓடக்கூடாது என கிருஷ்ணன் அறிவுறித்தினான். சவால்களை எதிர்த்துப் போராடு என்றான். அதனால்தான் அர்ஜுனனால் துரியோதனனை வீழ்த்த முடிந்தது.


நடிகர் ரஜினிகாந்த் அவர்கள், பாபா பட தோல்வி பற்றி ஒரு மீட்டிங்கில் பேசும்போது நான் யானை அல்ல, குதிரை என்றார். யானை விழுந்தால் எழ நேரமாகும் குதிரை அப்படி அல்ல விழுந்தால் உடனே எழும் என்று சொல்லி, அடுத்த படம் வெள்ளிவிழாப் படமாகக் கொடுத்தார்.

என்றுமே சவால்களை கண்டு பயந்து ஒடுபவனை சமூகம் கண்டுகொள்வதில்லை. மாறாக எதிர்த்து நின்று ஜெயிப்பவர்களை கண்டிப்பாக பாராட்டும்.

ஒன்று மட்டும் தெரிந்துகொள்வோம் சந்திக்க வேண்டிய பிரச்சனைகளை எதிர்கொள்வோம், நம்மளால் இந்த பிரச்னையை சந்திக்க முடியும் என்று நினைத்தாலே நமக்கு பாதி வெற்றிதான். அந்த சவால்களை சந்தித்து ஜெயிப்பதில் மீதி வெற்றி உள்ளது.

எனவே சவால்களை சமாளிப்போம்...