ஞாபகம் வருதே! ஞாபகம் வருதே!!!

ஞாபக சக்தி என்பது பல மாணவர்களின் இன்றைய பிரச்சனை. சில மாணவர்கள் என்னிடம், சார் நான் படிச்சேன், அப்ப ஞாபகம் இருக்கு ஆனா தேர்வு அறையில் மறந்து போய்விடுகிறது, என்ன செய்ய என்று கேட்டு இருக்கிறார்கள். அப்படி பட்ட மாணவர்களுக்கு சில ஆலோசனைகள்..

1. முதலில் படிக்கும் போது சிந்தனைகள், எண்ணங்கள் ஆகியவை படிக்கும் பாடத்தில் இருக்க வேண்டும்.

2. படிக்கும் பாடங்களை சில பத்திகளாக 'பிரித்து படிக்க' கற்றுக் கொள்ளவேண்டும்.

3. வகுப்பில் பாடங்கள் நடத்தும்போது உன்னிப்பாக கவனிக்க வேண்டும். ஆசிரியர் கூறும் உதாரணங்கள் தேர்வு நேரத்தில் நினைவுக்கு வரலாம்.

4. போதுமான தூக்கம் கண்டிப்பாகத் தேவை, சரியாக தூங்காமல் படித்தால் அது ஞாபக மறதியை ஏற்படுத்தும்.

5. ஒரே இடத்தில் படிக்காமல், இடம் மாறி சிறிது நேரம், நடந்து கொண்டு சிறிது நேரம் என படிக்கலாம்.

6. படங்கள், வார்த்தைகளோடு ஒத்த நகைச்சுவைகள், இடங்கள் என சில எடுத்துக் காட்டுகள், குறிப்பிட்ட இணைப்பு வார்தைகள் என அன்றாடம் நிகழும் நிகழ்ச்சிகள் என ஞாபகம் இருக்கிறபடி படிக்கலாம்.

7. படிக்கும் பொது ஏற்படும் எண்ணங்கள் குறிப்பேட்டில் எழுது வைத்து படிக்கலாம்.

8. படித்ததை ஒருமுறை அப்போதே எழுதி பார்கவேண்டும். மறு படியும் இரண்டு மூன்று நாட்கள் கழித்து படித்த பாடங்கள் ஞாபகத்தில் இருக்கிறதா என சோதித்து கொள்ள மறுபடியும் ஒரு முறை எழுதிப் பார்க்க வேண்டும்.

9. மூளையை சுறு சுறுப்பாக்கும் விளையாட்டுகள் அவ்வப்போது விளையாடவேண்டும்.

முறையாக பயிற்சி எடுத்து, திட்டமிட்டு படித்தால் (கற்றுக்கொண்டால்) வெற்றி நிச்சயம்.