இதற்கு பதில் சொல்ல முடியுமா? (மகான்களின் வாழ்க்கையில்)

பகவான் இராமகிருஷ்ணர் ஒரு நாள் தமது சீடர்களுடன் அமர்ந்து உரையாடிக் கொண்டிருந்தார்.

அப்போது பொதுவான ஒரு வினாவை எழுப்பினார்.

நீங்கள் ஒரு 'ஈ'யின் பருவத்தைப் பெற்று இருக்கிறீர்கள் என வைத்துக் கொள்ளுங்கள். உங்கள் எதிரே அமுதம் நிறைந்த ஒரு கோப்பை இருக்கிறது அப்போது நீங்கள் என்ன செய்வீர்கள்?

இதுதான் பகவான் ராமகிருஷ்ணரின் கேள்வி.

கேள்வியின் தன்மையைப் புரிந்து கொள்ளாத மாணவர்கள் பதில் சொல்லத் தெரியாமல் மெளனமாக இருந்தனர்.

சுவாமி விவேகானந்தர் எழுந்து 'நான் அந்தக் கோப்பையின் விளிம்பில் கவனாமாக உட்கார்ந்து கொண்டு கோப்பையில் உள்ள அமுதத்தைப் பருகுவேன். அவசரப்பட்டு கோப்பையில் உள்ள அமுதத்தில் விழுந்து உயிரை விடமாட்டேன்' என்றார்.

இராமகிருஷ்ணர் சிரித்துக் கொண்டே "நீ ஒரு விஷயத்தை அடியோடு மறந்துவிட்டாய்" என்றார்.

"என்ன அது?" என்று விவேகானந்தர் வியப்புடன் கேட்டார்.

கோப்பையில் இருப்பதோ அமுதம். அமுதத்தை உண்டவர்களுக்கு மரணமே இல்லை. அப்படி இருக்க கோப்பையின் விளிம்பில் உட்கார்ந்தால் என்ன? அமுதத்திலேயே விழுந்தால் என்ன? என்றார் இராமகிருஷ்ணர்.