பெற்றோர்களின் கவனத்திற்கு..

ஒரு சின்னக் குழந்தை புத்தகத்தை எடுக்கப் போனால் உடனே பெற்றோர்கள், வேண்டாம்பா, அந்த புத்தகத்தை அங்கேயே வைத்து விடு கிழித்துவிடப் போகிறாய் என எச்சரிப்பதை பார்த்திருப்போம். ஆனால் இது தவறான அணுகுமுறை என்றே அறிஞர்கள் சொல்லுகிறார்கள். குழந்தைகளுக்கு புத்தகத்தின் மகத்துவத்தை பொறுமையாக சொல்லுங்கள் என்கிறார்கள் அவர்கள்.

மாணவ பருவத்தில் சில பெற்றோர்கள் நீ, மருத்துவம் அல்லது பொறியியல் தான் படிக்க வேண்டும் என்ற தன்னுடைய விருப்பத்தை தங்கள் பிள்ளைகளிடம் திணிக்கிறார்கள். இதுவும் தவறான அணுகுமுறையே. பிள்ளைகளை அவர்களின் விருப்பப்படியே படிக்க வைக்கவேண்டும் அப்போதுதான் அவர்களின் தனித்திறன் வெளிப்படும்.

பெரும்பாலும் சில பெற்றோர்கள் வறுமையாலும், வாய்ப்பின்மையாலும், தான் படிக்கமுடியாத படிப்பை தன் பிள்ளைகள் படிக்க வேண்டும் என்று விருப்பப்படுகிரார்கள். இதுவும் சரியல்ல. 

ஒரு மாணவனின் திறன், விருப்பம், இயல்பு, படிக்கும் பழக்கம், ஈடுபாடு போன்ற பல விஷயங்கள் அவன் படிப்பை முடிவு செய்பவை. அனால் முற்றிலும் எதிமறையான இயல்புடைய பிள்ளைகளை தங்கள் விருப்பங்களை சுமக்கும் சுமைத்தூக்கியாக சில பெற்றோர்கள் செய்வது நல்லதல்ல.

பெற்றோர்கள், பிள்ளைகள் அவர்கள் படிக்க விரும்பும் படிப்பில் அடைகிற வெற்றியை, ஆர்வமில்லாத படிப்பின் மூலம் என்றுமே அடைய முடியாது என உணரவேண்டும். தங்கள் பிள்ளைகள் எந்தப் படிப்பை விரும்புகிறார்களோ அதையே படிக்க வைக்கவேண்டும்.

விரும்பி படிக்க வேண்டிய கல்வியைத் தேர்ந்தெடுத்து படிப்பவர்கள் வாழ்வின் உச்சத்திற்கு போவார்கள் என்பதே உண்மை.