போதையில் உளறினாரா விஜயகாந்த்?

தமிழக அரசு நேற்று அறிவித்த விலை உயர்வை கண்டித்து எதிர்கட்சி தலைவர் விஜயகாந்த் அவர்கள் இன்று ஒரு அறிக்கை வெளியிட்டார்.


ஒரு பெண்ணாக இருந்துகொண்டு முதல்வர் தமிழ்நாட்டில் உள்ள பெண்களின் கண்ணீரைத் துடைப்பதற்கு பதில் பால் விலையை உயர்த்தி அவர்களை மீளா துயரத்தில் ஆழ்த்தி இருக்கிறார் என்றார்.


பேருந்து கட்டணத்தை உயர்த்தியதற்கும் கடும் கண்டனத்தை பதிவு செய்து இருக்கிறார். ஏழை எளிய மக்கள் பெரும்பாலும் பயன்படுத்தும், பேருந்து கட்டணத்தை உயர்த்தியது அதிர்ச்சி அளிக்கக் கூடியது என்றார்.


மின்வெட்டு காரணமாக தமிழகமே இருளில் மூழ்கி கிடக்கும் பொது மின்கட்டணத்தை உயர்த்த அரசு பரிந்துரைக்கப்பட்டது வருத்தம் அளிக்கிறது என்றார்.


எல்லாம் சரி விஜயகாந்த் அவர்களே!? கூட்டணி வைக்கும் பொது இதெல்லாம் தெரியவில்லையா? எதிர்க்கட்சி தலைவர் பதவியை வைத்துக்கொண்டு நீங்கள் சாதித்தது என்ன?


ஆளுங்கட்சியை எதிர்த்து ஒருமுறையாவது சட்டமன்றத்தில் கேள்வி கேட்டீர்களா? பஞ்சாயத்து தேர்தலில் அதிக சீட்டுக்காகத் தானே அமைதி காத்தீர்கள். இப்போதுதான் தெ(ரி)ளிந்ததா அம்மையாரைப் பற்றி?


முதலில் பொறுப்பான எதிர் கட்சி தலைவராக இருங்கள். பின்பு அறிக்கை விடுங்கள். மக்கள் பார்த்துக் கொண்டுதான் இருக்கிறார்கள். உங்களிடம் அதிகம் மக்கள் எதிர்பார்த்தார்கள், அவர்களை ஏமாற்றிவிட்டு இப்போது சினிமா வசனம் போல அறிக்கை விடுகிறீர்கள்.


அதுசரி, அண்ணன் போதையோடுதான் சட்டமன்றத்துக்கு வருவார் என அம்மையார் சொன்னபோது ஊத்திக்குடுத்தவர் என்று சொன்னவர்தானே நீங்கள்?