கிறிஸ்துவர்களைக் கொன்று குவித்த மாமிச மலை!?

அவனுக்கு  எந்த வேலையும் தெரியாது. மகா சோம்பேறி. எவர் சிபாரிசிலோ அவன் ராணுவத்தில் சேர்ந்தான்.  அதுவும் ராணுவச் சமையல்காரருக்கு உதவியாளனாக!!

இந்தப் பணியில்   சேர்ந்த அவன் சிறிது காலத்தில் தலைமை சமையற்காரனாக உயர்ந்தான். அதுவும் அவனுடைய திறமையால் கிடைத்ததன்று. சூழ்ச்சியால்தான் எதையும் சாதிக்க முடியும்  என்ற கொள்கை கொண்ட அவன், வாழ்வின் தொடக்கத்திலேயே சதியின் துணைகொண்டு சாதிக்கத் தொடங்கினான்.

ஒரு சமயம்  அந்த நாட்டு ஜனாதிபதியை சந்திக்கும் வாய்ப்பைபெற்ற அவன், ஒரு சிலமணி நேரத்திலேயே அந்த ஜனாதிபதியின் உள்ளத்தில் இடம்பெற்றான்.  அந்த ஏமாளி ஜனாதிபதி அவனுக்கு தளபதி பதவி கொடுத்தார். ஒரு நாள் ராணுவப் புரட்சி நடத்தி  அந்த ஜனாதிபதியை விரட்டியடித்தவிட்டு  அவன் ஜனாதிபதி பொறுப்பேற்றான்.

அவனுக்கு எழுதப் படிக்க தெரியாது. அதனால் படிப்பறிவு இல்லாதவர்களையே அமைச்சர்களாகவும், அதிகாரிகளாகவும் நியமித்தான். “காமன் வெல்த் நாடுகளின் தலைவன்”, “இங்கிலாந்தை வென்ற வீரன்”, “ஸ்காட்லாந்தின் கடைசி மன்னன்” போன்ற பட்டங்களை தானே சூடிக்கொண்டான்.

தன் நாட்டில் கிறுஸ்தவர்கள் எவரும் வாழக்கூடாது என்று அவர்களைக் கொன்றுகுவித்தான். ஐந்து பெண்களை திருமணம் செய்துகொண்ட அவன் பல பெண்களிடம் பழக்கம் ஏற்படுத்திக் கொண்டிருந்தான்.

இப்படி அரசியல், காமம்  போன்றவற்றில் வெறியனாக இருந்த அவன் கடைசியில் தான்சேனியா நாட்டை தன் வயப்படுத்த நினைத்தான். அந்நாட்டு அதிபரிடம் ஒண்டிக்கு ஒண்டி  சண்டைக்கு வருகிறாயா என சவால் விட்டான். 

இந்நேரத்தில் தான்சேனியா அதிபர் , அவனால் விரட்டியடிக்கப் பட்டவர்களையும், சாகடிக்கப்பட்டவர்களின் உறவினர்களையும் ஒன்றிணைத்து தன்நாட்டுப் படைகளையும் துணைக்கனுப்பி அவன் நாட்டைத் தாக்கினார். எதிர்க்க முடியாத அவன் நாட்டைவிட்டே ஓடி உயிர் பிழைத்தான்.

அந்த  கொடூர ஜனாதிபதி யார்?  அடுத்த வரலாற்றுப் பதிவில் காண்போம்.

தெரிந்தவர்கள் பின்னூட்டம் இடவும்.

முந்தைய வரலாற்றுப்  பதிவிற்கான விடை :   அப்ரகாம் லிங்கன்.

முந்தைய பதிவுகள்:  1.  'குடும்பத்தைக் காப்பாற்றுங்கள்'

                                               2. தமிழனுக்காக வருந்திய ஜெர்மன் மனசு

                                               3. ஜனாதிபதியும், சாக்கடை பன்றியும்!!!  

                                               4 .  இப்படி படித்தால் சென்டம் நிச்சயம்.

                                      5 . ரஜினிகாந்த்துக்கும் இப்பதிவிற்கும் சம்பந்தமில்லை..

                                                  

தயவுசெய்து தவறுகளை சுட்டிக்காட்டுங்கள்

நிறைகளை பகிர்ந்துகொள்ளுங்கள்,
பிடித்து இருந்தால் எத்தனை நாளுக்கு பிறகு வாசித்தாலும்

ஓட்டு போட மறக்காதீர்கள்....