தலைவலியும், திருகுவலியும் தனக்கு வந்தால் தானே தெரியும். ( கருணாநிதி Vsவீரமணி)

இன்று ஜப்பானில் தாக்கிய சுனாமியில் உயிரிழந்த சகோதர, ‌ சகோதரிகளுக்கு வேடந்தாங்கலின் ஆழ்ந்த அனுதாபங்கள்..


தலைவலியும், திருகுவலியும் தனக்கு வந்தால் தானே தெரியும் என்பது தமிழ் பழமொழி! இது இப்போது யாருக்கு பொருந்தும் என்பது தமிழக மக்களுக்கு தெரிந்துவிட்டது. 

கடந்த 1976ல், விஞ்ஞானப் பூர்வமான ஊழல்கள் காரணமாக, சர்க்காரியா கமிஷன் அறிக்கையின்படி, கருணாநிதி ஆட்சி, "டிஸ்மிஸ்' செய்யப்பட்டது. அதனால், சி.பி.ஐ., குற்ற வழக்கு பதிவு செய்தது. இந்த வழக்கிலிருந்து தப்பிக்க, கருணாநிதி ஆட்சியை டிஸ்மிஸ் செய்த இந்திராவிடம், சரண்டர் ஆன வரலாற்றை யாராலும் மறக்க முடியாது. 

கடந்த, 1980ல் இருந்த எம்.ஜி.ஆர்., ஆட்சி, எந்தவொரு காரணமும் இல்லாமல் டிஸ்மிஸ் செய்யப்பட்டது. காங்கிரசும், தி.மு.க., வும் ஆளுக்குப் பாதி என்று தொகுதிகள் பங்கிட்டு, தேர்தலில் போட்டியிட்டனர். ஊழல் புரியாத எம்.ஜி.ஆரை மீண்டும் முதல்வராக்கினர் தமிழக மக்கள். 

அதே நிலை தான் இன்றும்... 31 ஆண்டுகளுக்குப் பின், இந்தியாவின் இமாலய ஊழலான, "2ஜி' ஸ்பெக்ட்ரம் ஊழல் மூலம், 1.76 லட்சம் கோடி ரூபாய் இழப்பு ஏற்பட்டுள்ளது. சி.பி.ஐ., குற்றப்பிரிவின் கீழ், கருணாநிதியின் செல்லப்பிள்ளையான ராஜா, திகார் சிறையில் அடைக்கப்பட்டுள்ளார். 

இதில், கருணாநிதியின் குடும்ப பின்னணிகளும் ஆதாயம் பெற்றுள்ளதாக செய்திகள் வருவது, வீரமணிக்கும் தெரியும்; சி.பி.ஐ., வேறு மிரட்ட வருகிறது. இந்த நிலையிலிருந்து தப்பிக்க, கருணாநிதிக்கு என்ன தான் வழி? இந்திராவிடம் சரண்டர் ஆனது போல, சோனியாவிடமும் ஆகித்தான் தீர வேண்டும். 

இந்த நேரத்தில், "ராமாயணக் கதையைக் கூறி இறங்கி வர வேண்டிய அவசியமில்லை; இணங்க வேண்டியதில்லை' என்று வீரமணி பேசுவது, கருணாநிதிக்கு அபத்தமாகத் தான் தெரியும். "விருந்துக்கு வந்தமா... நல்லா சாப்பிட்டுவிட்டு போனமா... என்று வீரமணி இருக்க வேண்டும்' என, தி.மு.க., பெரும் புள்ளிகள் முணுமுணுப்பது தெரிகிறது!

Thanks Dinamalar.

முந்தைய பதிவுகள்:  1. தேர்வு எழுதப்போகும் மாணவர்களே ஒரு நிமிடம்.

                                               2. தமிழனுக்காக வருந்திய ஜெர்மன் மனசு

                                               3 . முடிவெடுக்கக் கற்கலாமா?

                                               4. ஜனாதிபதியும், சாக்கடை பன்றியும்!!!  

                                                  

தயவுசெய்து தவறுகளை சுட்டிக்காட்டுங்கள்

நிறைகளை பகிர்ந்துகொள்ளுங்கள்,
பிடித்து இருந்தால் எத்தனை நாளுக்கு பிறகு வாசித்தாலும்

ஓட்டு போட மறக்காதீர்கள்....