நானும், கலைஞரும், பேரன், பேத்திகளோடு மகிழ்ச்சியாக...ராமதாஸ்

 "நானும், கலைஞரும், பேரன், பேத்திகளோடு மகிழ்ச்சியாக இருப்பது போல, தொண்டர்களும், மக்களும் மகிழ்ச்சியாக இருக்க வேண்டும்' என, பா.ம.க., நிறுவனர் ராமதாஸ் கூறியுள்ளார். 

அரசுப் பள்ளிக்கூடங்கள், தரமற்ற கல்வியைத் தருகின்றன. ஏழை, பாமர மக்களின் பிள்ளைகளால், தரமானக் கல்வியை பெற முடியவில்லை. பின், மக்கள் எப்படி மகிழ்ச்சியோடு இருக்க முடியும். 

அரசு மருத்துவமனைகளில், தரமான சிகிச்சை தரப்படுவது இல்லை. சாதாரண இருமலுக்குக் கூட, தனியார் மருத்துவர்களிடம் சென்று, ஏழை மக்கள், நூற்றுக்கணக்கில் பணத்தை அழ வேண்டியிருக்கிறது. 

காமன்வெல்த் போட்டியில், 70 ஆயிரம் கோடி ஊழல், ஸ்பெக்ட்ரம் விவகாரத்தில், 1.76 லட்சம் கோடி ஊழல் என்று, ஊழலின் மதிப்பு கூடிக் கொண்டே போகிறது. நாட்டை குட்டிச் சுவராக்கும் இந்த ஊழல்களைப் பார்த்து, மக்கள் எப்படி மகிழ்ச்சியோடு வாழ முடியும். 

உண்மையான இந்திய குடிமகன் மனம் வாட்டம் அடையும், வருந்தும் சூழலே இந்தியாவில் நிலவுகிறது. ஆயிரக்கணக்கான விவசாயிகள், கடன் சுமையால் தற்கொலை செய்து கொள்கின்றனர்.  இந்த ஆண்டிலாவது, "விவசாயி தற்கொலை' என்ற செய்தி காதில் விழாமல் இருக்க, அரசு வழி செய்ய வேண்டும்.  நன்றி தினமலர்.

வெளிநாடுகளில் உள்ள, 70 லட்சம் கோடி கறுப்புப் பணத்தில் பாதியளவையாவது, இந்தியாவுக்கு திருப்பி கொண்டு வர வேண்டும். தமிழக மீனவர் யாரும், சிங்கள கடற்படையால் சுட்டு சாகடிக்கப்படக் கூடாது. மேலும், கடன் இல்லாத பட்ஜெட்டை, இந்திய நிதி அமைச்சர்  எப்போது தாக்கல் செய்வாரோ அப்போதுதான்  உண்மையான இந்திய குடிமகன் பெரு மகிழ்ச்சி அடைந்து, பட்டாசு வெடித்து கொண்டாடுவான்.

முந்தைய பதிவுகள்:  1. தேர்வு எழுதப்போகும் மாணவர்களே ஒரு நிமிடம்.

                                               2. தமிழனுக்காக வருந்திய ஜெர்மன் மனசு

                                               3 . முடிவெடுக்கக் கற்கலாமா?

                              4.  பன்றிகளின் முன்னால் முத்தைச் சிதற விடாதேயுங்கள்

                                                  

தயவுசெய்து தவறுகளை சுட்டிக்காட்டுங்கள்

நிறைகளை பகிர்ந்துகொள்ளுங்கள்,
பிடித்து இருந்தால் எத்தனை நாளுக்கு பிறகு வாசித்தாலும்

ஓட்டு போட மறக்காதீர்கள்....