'குடும்பத்தைக் காப்பாற்றுங்கள்' - பா.ம.க., நிறுவனர் ராமதாஸ்

தன் இல்லத் திருமணவிழாவில், "குடும்பத்தைக் காப்பாற்றுங்கள்' என்ற அற்புதமான கருத்தைச் சொல்லி இருக்கிறார் பா.ம.க., நிறுவனர் ராமதாஸ். இது நல்ல, அவசியமான கருத்து தான். கருணாநிதியும், குடும்பத்தைக் காப்பாற்றத்தான் உழைக்கிறார். ராமதாசும், குடும்பத்தைக் காப்பாற்றத் தான் உழைக்கிறார். இது எல்லாருக்கும் தெரிந்த உண்மைதான். 

ஆனால், அவர்கள் இருவருமே, கட்சித் தலைவர்களாக, அரசியல் தலைவர்களாக இருந்துகொண்டு, குடும்பத்தைக் காப்பாற்றுகின்றனர். இது எல்லாருக்கும் சாத்தியமா? அதுமட்டுமல்ல... இவர்களைப் போல, தங்கள் வாரிசுகளையும் அரசியலில் இறக்கிவிட, மற்றவர்களால் முடியுமா? 

"பசிக்காமல் இருக்கும் வரம் தர்றேன்; கொஞ்சம் பழைய சோறு இருந்தால் போடுங்க' என்றாராம் ஒருவர். பதவிகளைப் பிடித்து, அதன் மூலம் தான், இவர்கள் தங்கள் குடும்பத்தை காப்பாற்றி வருகின்றனர் என்பது ஊரறிந்த உண்மை. 

வன்னியர்கள் பேரைச் சொல்லி, தன் குடும்பத்தை மட்டும் வளர்க்கிறார் ராமதாஸ். திராவிடர்கள் பேரைச் சொல்லி, தன் குடும்பத்தை மட்டும் வளர்த்து வருகிறார் கருணாநிதி.

ஆனால், தன் குடும்பத்தை காப்பாற்ற, மகனைக் காலேஜில் சேர்க்க, மகளுக்கு திருமணம் செய்து வைக்க லஞ்சம் வாங்கும் அரசு ஊழியரைக் கைது செய்து, சிறையில் அடைக்கின்றனர். அவர்களும் குடும்பத்தைக் காப்பாற்றத்தானே இவ்வாறு செய்கின்றனர். அவர்கள் செய்தால் குற்றம்; இவர்கள் செய்தால் அது தியாகமா? அரசு ஊழியர்களை டிஸ்மிஸ் செய்வது போல, இவர்களையும் டிஸ்மிஸ் செய்ய வேண்டும். அதுதான் உண்மையான மக்கள் ஆட்சி.

முந்தைய பதிவுகள்:  1. தேர்வு எழுதப்போகும் மாணவர்களே

                                               2. தமிழனுக்காக வருந்திய ஜெர்மன் மனசு

                                               3. ஜனாதிபதியும், சாக்கடை பன்றியும்!!!  

                                               4 .  இப்படி படித்தால் சென்டம் நிச்சயம்.

                                               5 . கொலைகாரனாக மாறப்போகும் கமல் 

                                                  

தயவுசெய்து தவறுகளை சுட்டிக்காட்டுங்கள்

நிறைகளை பகிர்ந்துகொள்ளுங்கள்,
பிடித்து இருந்தால் எத்தனை நாளுக்கு பிறகு வாசித்தாலும்

ஓட்டு போட மறக்காதீர்கள்....