குடுப்பி

இன்று கிராமங்களில் விளையாடும் ஒரு விளையாட்டைப் பற்றி பார்ப்போம். போன பதிவில் தத்தக்கா, புத்தகா என்ற விளையாட்டைப் பற்றி பார்த்தோம் பார்க்காதவர்கள் இதை கிளிக் செய்து பார்க்கவும். அந்த வரிசையில் இன்று குடுப்பி என்ற விளையாட்டை தெரிந்து கொள்வோம். குடுப்பி என்பது இன்றும் கிராமங்களில் விளையாடும் ஒரு விளையாட்டாகும்.

இவ்விளையாட்டை இரண்டு நபர்கள் சேர்ந்து விளையாடுவார்கள் இதற்கு விளையாட்டு கருவியாக எண்கள் ஊரில் புளியன் கொட்டைகளை மட்டுமே பயன் படுத்துகிறார்கள். இரண்டு நபர்கள் எதிராக அமர்ந்து கொண்டு ஐந்து காய்களுக்குக் குறையாமல் கட்டி ஆட்டத்தை தொடங்குவார்கள்.

ஒருவர் எத்தனை காய்களைக் கட்டுகின்றார்களோ அதே எண்ணிக்கையை எதிர் ஆட்டக்காரர் கட்டவேண்டும். இல்லையெனில் விரும்பிய எண்ணிக்கையுள்ள காய்களை வைத்துக்கொண்டு ஆட்டத்தை தொடங்குவார்கள்.

ஆடும் முறை:

இருவர் எதிர் எதிராக அமர்ந்து கொண்டு இருவரும் ஆட்டத்திற்கு கட்டுகின்ற காய்களைச் சேர்த்து கையில் வைத்துக்கொண்டு தரையில் போடுவார்கள். தரையில் விழுகின்ற காய்களுக்கு இடையே ஒரு சுண்டு விரல் நுழையும் படி இடைவெளி இருக்கவேண்டும். இல்லை என்றால் அவ்வாறு இருக்கின்ற காய்களை ஒடுக்கு வைக்க வேண்டும்.

மற்ற காய்களை ஒன்றோடு ஒன்று சுண்டிவிட்டு அடிக்கவேண்டும். அடிபடாதவைகளை விட்டு விடுவார்கள். எல்லாக்காய்களையும் சுண்டிவிட்டு அடித்த பிறகு ஒதுக்கப்பட்ட காய்களை அதுத்து எதிர் ஆட்டக்காரர் கையில் எடுத்து தரையில் போட்டு முன்புபோல் சுண்டிவிட்டு அடிப்பார்.

இவ்வாறாக இருவரும் மாறி,மாறி விளையாடுவார்கள். இதில் வெற்றி தோல்வி கிடையாது. டைம் பாஸ் ஆக மட்டுமே இவ்விளையாட்டைப் பயன் படுத்துகிறார்கள். கடைசியாக அந்த காய்கள் இருக்கிற வரை விளையாடுவார்கள்.