வாருங்கள் திருக்குவளை இளவரசியை வரவேற்போம்

2ஜி ஸ்பெக்ட்ரம் ஊழல் வழக்கில் கைது செய்யப்பட்ட கனிமொழி ஜாமீன் கிடைத்ததால் நவம்பர் முப்பதாம் தேதி இரவு விடுதலை செய்யப்பட்டார். இதை அடுத்து அவர் நேரடியாக சென்னைக்கு வராமல் தன்னுடைய  அண்ணன் மத்திய அமைச்சர் மு.க. அழகிரி வீட்டில் டெல்லிலேயே தங்கி இருந்தார். 2ஜி ஊழல் வழக்கில் கைதாகி கடந்த 6 மாதங்களாக திகார் சிறையில் கனிமொழி இருந்தார் என்பது குறிப்பிடத் தக்கது.

இந்நிலையில் டெல்லி திகார் சிறையில் இருந்த ஆறு மாத காலத்தில் கனிமொழி சிறையில் கடைபிடிக்கப்படும் சட்ட, திட்டங்களுக்கும், விதிமுறைகளுக்கும் உட்பட்டு நல்லவிதமாகவே நடந்து கொண்டதாக திகார் சிறை அதிகாரிகள் நற்சான்றிதழ் அளித்துள்ளனர்.

அவர் ஜாமீனில் வெளியே வருவதற்கு முன்பு  அவர் தன்னுடன் சிறையில் இருந்த சக பெண் கைதிகளைத் கட்டித்தழுவி, அவர்களுக்கு சிறை கேன்டீனில் இனிப்பு உணவு வகைகளை வாங்கிக் கொடுத்து தனது மகிழ்ச்சியை வெளிப்படுத்திக் கொண்டார். சிறையை விட்டு வெளியே வரும்போது சிறை அதிகாரிகளுக்கு நன்றி தெரிவித்துவிட்டு வந்துள்ளார்.

நாளை காலை 12 மணியளவில் ஜெட் ஏர்வேஸ் வி்மானத்தில் சென்னை வந்து சேருகிறார். நீண்ட நாட்களுக்குப் பிறகு சென்னைக்கு வரும் கனிமொழிக்கு மிகவும் பிரமாண்டமான வரவேற்பு அளிக்க ஏற்பாடுகள் திமுகா வினர் செய்து வருகிறார்கள். என்ன செய்ய, 

உடன்பிறப்புகளே தயாராகுங்கள் மிகப் பெரிய மக்கள் போராட்டத்திற்காக சிறை சென்று வரும் திருக்குவளை இளவரசியை வரவேற்க....