பிரபல பதிவர் நிருபனும், அவரது மகனும்... இப்படிக் கூட செய்வார்களா?

தன் மகனின் எதிர்காலத்தை பற்றி மிகவும் கவலை கொண்டார் நிருபன் செல்வராஜா அவர்கள். அவனை எப்படி உருவாக்கவேண்டும் என்று யோசித்ததில் அவனது ஆர்வத்தினையும் செயல்பாட்டினையும் சோதித்து ஒரு முடிவுக்கு வருவது என திட்டமிட்டார்.

ஐநூறு ரூபாய் நோட்டு, ஒரு ஆப்பிள் பழம், ஒரு நல்ல நாவல் ஆகிய மூன்றையும் தன் மகனின் மேஜை மீது வைத்து விட்டு வந்தார்.

மகன் ஐநூறு ரூபாய் நோட்டை எடுத்தால் வியாபாரியாகவும், ஆப்பிளை எடுத்தால் விவசாயியாகவும், நாவலை எடுத்து படித்தால் எழுத்தாளனாகவும் உருவாக்குவது என்று முடிவு செய்திருந்தார்.

மகன் அறைக்குள் சென்றான். தனது மகனின் செயலை மறைந்திருந்துப் பார்த்தார். அவரது மகன் ஆப்பிளை சுவைத்தபடியே, நாவல் படித்துக் கொண்டிருந்தான். ஐநூறு ரூபாய் நோட்டை சட்டைப் பைக்குள் திணித்துக் கொண்டிருந்தான்.

நிருபன் மகனைப் பற்றி நீங்கள் என்ன நினைக்கிறீர்கள்?

டிஸ்கி: நிருபன் மச்சானுக்கு இன்னும் திருமணம் நடக்கவில்லை. இது ஒரு கற்பனை மட்டுமே. நண்பா ரஜீவா சீக்கிரம் ஒரு பெண் பாருப்பா அவருக்கு, திருமணமானவர்கள் பெற்ற இன்பம்? பெருக நிருபனும்.. அவ்வ்வ்வ்வ்வ்வ்வ்வ்வ்வ்.