பணக்காரனாக யோசனை சொல்லும் நாஞ்சில் மனோ..!

நாஞ்சில் மனோ என்பவர் ஒரு புகழ் பெற்ற பதிவர். இவருடைய பூர்வீகம் தமிழகம் என்றாலும் இப்போது ஒரு அரபு நாட்டில் வசிப்பவர்.

திருவிளையாடல் திரைப் படத்தில், "சேர்ந்தே இருப்பது?" என்று நாகேஷ் கேட்க " வறுமையும் புலமையும்" என்று சிவாஜி கூறுவதைப் போல ஒரு காலத்தில் இவரும் கொஞ்சம் வறுமையில் இருந்தார்.

ஒரு முறை அவர் நதியின் அக்கரைக்குச் செல்ல வேண்டி இருந்தது. படகு காரனுக்கு கொடுக்க பணமில்லை.

துணிவுடன் படகுகாரனிடம் சென்று "மக்கா" உனக்கு தற்போது கொடுப்பதற்கு என்னிடம் பணம் கிடையாது. ஆனால் என்னை இலவசமாக அக்கரையில் கொண்டுபோய் விட்டால் நீ பணக்காரனாக மாற ஒரு யோசனை கூறுவேன் என்றார்.

அந்தப் படகுக் காரனும் மனோவின் தோற்றத்தில் மயங்கி ! ஆர்வத்துடன் தலியசைத்தான். மனோவை அக்கரையில் கொண்டு போய் விட்டதும்,

"பணக்காரனாகும் யோசனையைக் கூறுங்கள்?" என்று கேட்டான்.

மனோ அவர்கள் நமுட்டு சிரிப்புடன்,

"இனிமேல் இப்படி யாரையும் இலவசமாக அக்கரைக்கு அழைத்துக் செல்லாமல் இருந்தால் நீ சீக்கிரம் பணக்காரனாகி விடுவாய்" என்றார்.