அரசு ஒழுக்கமாக இருந்தால், சமூக ஆர்வலர்கள் எதற்காக வீதிக்கு வருகின்றனர்?

ஊழல் தடுப்பு மசோதாவை உருவாக்கும்போது, காந்தியவாதி அன்னா ஹசாரேவையும் ஆலோசனைக்காக சேர்த்துக் கொண்டது, மத்திய அரசு. அன்னா ஹசாரே, பாபா ராம்தேவின் அறைகூவலால், டில்லியில் கூடிய மக்கள் வெள்ளத்தைக் கண்டு மிரண்ட மத்திய அரசு, வேறு வழியில்லாமல், சமூக ஆர்வலர்களையும் அழைத்துப் பேசியது.

"லோக்பால் மசோதா உருவாக்க மேற்கொண்ட பரீட்சார்த்த முறைகளை, இனி எப்போதும் பின்பற்ற மாட்டோம். இந்த குறிப்பிட்ட விஷயத்தில் நடந்ததை, இனிமேல் முன்னுதாரணமாக எடுத்துக் காட்ட முடியாது. மற்ற அரசியல் கட்சிகள், சமூக அமைப்புகளிடமும், லோக்பால் மசோதா குறித்து கருத்து கேட்கப்படும். 

அன்னா ஹசாரேவும், அவரது ஆதரவாளர்களும், யாருக்கும் கட்டுப்படாத, அரசல்லாத, தனி அதிகார மையத்தை நிலைநாட்ட விரும்புகின்றனர்' எனக் கூறியுள்ளார், மத்திய மனிதவள மேம்பாட்டுத்துறை அமைச்சர் கபில் சிபல்.

அன்னா ஹசாரே, பாபா ராம்தேவ், கெஜ்ரிவால், சாந்தி பூஷன் போன்றோர் முனையாவிட்டால், மத்திய அரசு ஊழல், கறுப்புப் பணத்துக்கு எதிரான மசோதாவை, தூசி தட்டியிருக்குமா?ஊழல்வாதிகளை ஒடுக்க துப்பு இல்லாத மத்திய அரசும், சிபல்களும், சமூக ஆர்வலர்கள் மீது பாய்கின்றனர். அரசு ஒழுக்கமாக இருந்தால், சமூக ஆர்வலர்கள் எதற்காக வீதிக்கு வருகின்றனர்?

உங்களுடைய கருத்துகளையும் சொல்லுங்கள் உறவுகளே..