தமிழகத்தில் அழிகிறது காங்கிரஸ் - ஒரு அதிர்ச்சி ரிப்போர்ட்

தமிழக காங்கிரஸ் தலைவர் பதவியை, தங்கபாலு ராஜினாமா செய்தும் கூட, புதிய தலைவரை நியமிக்க, காங்கிரஸ் மேலிடம் தயக்கம் காட்டுவது ஏன் எனப் புரியவில்லை.

"காங்கிரசுடன் கூட்டணி வைத்ததால் தான், தி.மு.க., தேர்தலில் தோற்றுவிட்டது' என, தி.மு.க., - பா.ம.க., கட்சிகள் புலம்ப ஆரம்பித்துவிட்டன. ஆனால், காங்கிரஸ் இதை ஒரு பொருட்டாகவே கருதவில்லை.

காங்கிரஸ் மேலிடத்தின் குழப்பத்தால், தமிழக காங்கிரஸ் தொண்டர்கள், எந்த திசையை நோக்கிச் செல்வது என, தத்தளித்து வருகின்றனர். இதுகுறித்து, கட்சியின் பொதுச்செயலர் ராகுல் சிந்திக்க வேண்டும். 

தமிழகத்திலுள்ள காங்கிரஸ் தலைவர்கள், தங்கள் கோஷ்டிகளில் காட்டும் ஆர்வத்தை, மொத்த காங்கிரசின் வளர்ச்சியில் காட்டுவதாக தெரியவில்லை. 

தகரபாலுவை, தங்க தட்டில் வைத்து கொண்டாடும் காங்கிரஸ் மேலிடமே... இனியும் உறக்கத்தில் இருந்தால், வரவிருக்கும் உள்ளாட்சித் தேர்தலில், காங்கிரசார் சுயேச்சைகளாக போட்டியிட்டு, காங்கிரஸ் என்ற கட்சியே தமிழகத்தில் இல்லை என்ற நிலை உருவாகலாம். 

துணிந்து செயல்பட தகுதியில்லாத காங்கிரஸ் மேலிடத்திற்கு, இது அவமானம்!