சில தண்டனைகள் இடம் மாறி விடுகின்றன - பள்ளியில் நடந்த சில உண்மைகள் - 4

 நேற்று :


கெட்ட வார்த்தை 
பேசினான் என்று 
அடித்தேன் அவனை ..
அழுதுகொண்டே கேட்டான் 
அது கெட்ட வார்த்தையா சார் 
அப்படின்னா அர்த்தம் என்ன?


உறைத்தது எனக்கு..



நான் சொல்லவில்லை என்றாலும் 
பயமாய் இருந்தது 
வேறு யாரிடமிருந்தாவது 
அறிந்து கொள்வானோ 
அர்த்தத்தை ...


இன்று:


அந்த வகுப்பை 
கடந்து போகையில்
காதில் விழுந்தது 
கெட்ட வார்த்தை பேசியதற்காய்
அடி வாங்கிய சிறுவனின் குரல்,
ஊட்ல அம்மாவும், அப்பாவும்
இப்படித்தான் பேசறாங்க தெனமும்..


சார் தானே சொல்லிக் கொடுத்தார்
பெத்தவங்களை வழிகாட்டியா
வேச்சுக்கோன்னு...


உறைத்தது எனக்கு..


அவ்வப்பொழுது 
சில தண்டனைகள்
இடம் மாறி விடுகின்றன..