ஒதுங்கிவிடலாம் மிஸ்டர் பிரதமர்

"நாம், இது வரை கண்ட பிரதமர்களிலேயே, மிகவும் மோசமான பிரதமர்' என்ற பெயரை, "மிஸ்டர் கிளீன்' மன்மோகன் சிங் பெற்றுவிட்டார். 

அன்று, ராஜிவ் மறைவுக்கு பின், நேரு குடும்பத்தில், வேறு ஆள் கிடையாது என்ற காரணத்தால், நரசிம்மராவ் பிரதமராக அமர்ந்தார். அவர் கூட, சில குற்றச்சாட்டுகளுக்கு ஆளானாலும், இப்படி ஒரு ஊழல் ஆட்சியை தரவில்லை. 

ஆனால் இன்றோ, பிரதமர் மன்மோகன் சிங், தன்னை ஊழலுக்கு எதிரானவர் என்று சொன்னாலும், அவரைச் சுற்றி இருப்பவர்கள் அனைவரும், ஊழல்வாதிகளாக இருப்பதால், அவர்களை ஊழல் செய்ய விட்டுவிட்ட இவரும், ஒரு ஊழல்வாதியாக காட்சியளிக்கிறார். 

கடந்த, 1989ல், தன் ஆட்சி காலத்திலேயே, ஒரு மக்கள் நலத்திட்டத்திற்கு, 100 ரூபாய் ஒதுக்கப்பட்டால், 83 ரூபாய் ஊழலுக்கு சென்று விடுவதாக, ராஜிவ் கூறினார். ஆனால், இன்றோ ஒதுக்கப்படும் மக்கள் நலத்திட்டங்களின் நிதி அனைத்துமே, ஊழல் அரசியல்வாதிகளும், ஊழல் அதிகாரிகளும் பங்கு போட்டுக் கொள்கின்றனரோ என நினைக்க வைக்கிறது.

கடந்த எட்டு ஆண்டுகளில், எந்த துறையில் வளர்ச்சி அடைந்ததோ இல்லையோ, அமைச்சர்கள் ஊழல்செய்வதில், லட்சம் கோடிகள் வரை சென்று சாதனை படைத்துவிட்டனர்!

இனி இந்தியா?