ஏழைகளாக இருப்பது எதுவரை?

"வயிற்றுக்குச் சோறிட வேண்டும் - இங்கு வாழும் மனிதருக்கெல்லாம்' என்றார் பாரதி. சுதந்திரம் பெற்று, 60 ஆண்டுகள் கடந்தும், நம்மால், நம் அடிப்படைத் தேவைகளைக் கூட பூர்த்தி செய்ய இயலவில்லை.



 நாட்டு மக்கள் அனைவருக்கும், வயிறு நிரம்ப சோறிட முடியவில்லை. பின் எவ்வாறு பல கல்வி அனைவருக்கும் புகட்ட முடியும்? அக்கல்வியில் நாம் தேர்ந்து, நிபுணத்துவம் பெற்று, இவ்வுலகை ஆள்வது எப்போது? இந் நிலைமை இன்னும் தொடர்வதற்கு யார் காரணம்?


 நாம், நம்மை இன்று வரை சரியாக ஆளாததே இதற்கு காரணம் என்பதை, ஏற்றுக்கொண்டே ஆக வேண்டும்.


 "ஏழையாக பிறப்பது நம் தவறல்ல; ஆனால், என்றும் ஏழையாகவே இருப்பது நம் தவறுதான்' என்றார், பில்கேட்ஸ். 


இன்னும் நாம் ஏழையாகவே இருப்பதற்கு, நம் ஆட்சியாளர்களின் தவறான அணுகுமுறைகள் தான் காரணம். இவ்வுலகத்தோடு போட்டி போடக்கூடிய உயர்கல்வியை, மாணவர்களுக்கு புகட்ட, அரசு முழு முயற்சி எடுக்க வேண்டும். இக்கல்வியால் மட்டுமே, அனைத்து வேறுபாடுகளையும் நாம் களைய முடியும்.


கல்வி மட்டுமே ஒருவனுடைய வாழ்க்கை தரத்தை உயர்த்தும். படிப்பவர்களுக்கு உதவி செய்வோம்.