ஒரு சந்தோசம்? அவளிடம் பேசிவிட்டோம்..!

என்னைக் கட்டுப்படுத்த 

முயன்றும் 

என் கால்கள் நகரவில்லை 

என்னை மீறி 

என்னுள்ளிருந்து

ஒரு குரல் ...

அவளை நோக்கி

ஹலோ ! நலமா?

எப்படி இருக்கிறீர்கள்?

அவளின் மறு பேச்சிற்கு 

இடமளிக்காமல்

நானும் தொடர்ந்தேன்...

எத்தனை மாதங்கள்

ஆயிற்று 

உங்களைப் பார்த்து...

சரி, இப்போதும் 

அங்கேயே 

வேலை செய்கிறீர்களா?

சம்பள உயர்வு 

கொடுத்தார்களா?

அவள் முகம் 

ஒரு மாதிரியாக மாறியது

வெறுப்பில் 

சுற்றும் முற்றும் பார்த்துவிட்டு 

ஏதோ பேச வர 

அதை பொருட்படுத்தாமல் 

நானும் தொடர ...

அம்மா எப்படி 

இருக்கிறார்கள்.

தம்பி, தங்கை 

சுகம்தானே...

மாப்பிள்ளை பார்த்தார்களே 

உனக்கு 

திருமணம் ஆகிவிட்டதா?

விடாமல் கேட்டுக் 

கொண்டிருந்த நான் 

சிறிது நிறுத்தி 

அவள் முகத்தைப் பார்த்தேன்...

நீ யார்?

உன்னை நான்

பார்த்த மாதிரி இல்லையே?

என்றாள்...!

நானும்தான் 

உன்னை இதுவரை 

பார்த்தது இல்லை 

என மனதில் 

நினைத்துக் கொண்டு

" ஓ .. அது நீங்க இல்லையா சாரி...!"

என்றபடி அங்கிருந்து நகர்ந்தேன்.