ஜெயலலிதாவுக்கு மு.க.ஸ்டாலின் வேண்டுகோள் !?

விஜயகாந்த்துடன் இணைந்து பிரச்சாரம் செய்யப்போகும் ஜெயலலிதா, ஹெல்மட் அணிந்து கொள்வது நல்லது என, திமுக பொருளாளர் மு.க.ஸ்டாலின் வேண்டுகோள் விடுத்துள்ளார். 

திருப்பூர் மாவட்டத்தில் திமுக மற்றும் திமுக கூட்டணியில் இடம்பெற்றுள்ள வேட்பாளர்களுக்கு மு.க.ஸ்டாலின் வாக்கு சேகரித்தார். அப்போது தாராபுரத்தில் பேசிய அவர், 

தன் வயதை கூட எண்ணிப்பார்க்காமல் அன்றாடம் தமிழக மக்களுக்காக உழைப்பவர் கலைஞர். ஆனால் தேர்தல் வந்தால் மட்டுமே தமிழகம் ஜெயலலிதாவின் கண்களுக்கு தெரிகிறது. முன்னாள் கதாநாயகன் தற்போது அரசியலில் வில்லன். இப்ப அதுகூட இல்ல. காமெடியனாக மாறியாச்சு. நாடே சிரிக்குது.

முதல் முதல்ல பார்த்தோம். தொடங்கின உடனேயே வேட்பாளருக்கு அடி. உங்க வீட்டு அடியா. எங்க வீட்டு அடியா அது. செம்ம மாத்து. இப்ப அவங்க வேட்பாளர்கள் எல்லாம் ஹெல்மட் போட்டுக்கிட்டுதான் கூட போறாங்க. அந்த அளவுக்கு பயம் வந்துவிட்டது.

பத்திரிகையில் செய்தி ஒன்றை பார்த்தேன். 6ஆம் தேதி கூட்டணிக் கட்சித் தலைவர்கள் அனைவரும் சேர்ந்து பொதுக்கூட்டத்தில் பேசப் போகிறார்களாம். ஆகவே இப்போதே இந்த கூட்டத்திற்கு முன்பாகவே எதிர்க்கட்சித் தலைவராக இருக்கக் கூடிய முன்னாள் முதல்வர் அம்மையார் ஜெயலலிதா அவர்களுக்கு ஒரு அன்பான வேண்டுகோள். உங்க சைசுக்கு ஹெல்மட் கிடைக்குதோ, கிடைக்கிலையோ இப்பவே ஆர்டர் கொடுத்து வாங்கிகொண்டு போங்கள். அதுதான் என்னுடைய அன்பான வேண்டுகோள். இவ்வாறு மு.க.ஸ்டாலின் பேசினார். 

படம், செய்தி உதவி நக்கீரன்.

ஒரு வேண்டுகோள்...

(நண்பா் செங்கோவி பிளாகில் படித்தது)

இந்தத் தேர்தலில் நாம் காங்கிரஸைத் தோற்கடித்தால் மட்டுமே, காங்கிரஸின் தவறு இந்திய அளவில் எல்லொராலும் கவனிக்கப்படும். இல்லையெனில் காங்கிரஸ் செய்தது சரிதான் என்றே நாம் தீர்ப்பு அளித்ததாக ஆகும். தமிழினக் கொலையைக் கொண்டாடிய வட இந்திய ஊடகங்களும் அதை அங்கீகாரமாகவே எடுத்துக் கொள்ளும்.

காலமெல்லாம் நம் முதுகில் சவாரி செய்தே பிழைத்து வரும் காங்கிரஸ், தன் தகுதிக்கு மீறிய ஆட்டத்தை கடந்த ஐந்தாண்டுகளில் போட்டுள்ளது. காங்கிரஸ் கூட்டணியில் உள்ள தமிழர்கள், இனியும் காங்கிரஸைச் சுமக்க வேண்டுமா?

ஈழப்போரை நிறுத்தச் சொல்லி தெருவுக்கு வந்து போராடினோம். சட்டமன்றத்தில் எல்லாக்கட்சியினரும் சேர்ந்து தீர்மானம் நிறைவேற்றி டெல்லிக்கு அனுப்பினோம். அதை மதித்ததா காங்கிரஸ்? அந்தத் தீர்மானம் ஒட்டுமொத்த தமிழர்களின் குரல். அதைக் குப்பைக்கூடையில் போட்ட காங்கிரஸ், இன்று வெட்கங்கெட்டு நம்முன் வாக்கு கேட்டு நிற்கிறது.

ஒரு இனத்தையே முள்வேலிக்குள் அடைத்தவர்களுக்கு, மனிதாபிமானமுள்ள நீங்கள் தரப்போகும் பதில் என்ன? உங்கள் கட்சி அபிமானத்தை இந்தத் தேர்தலில் ஒதுக்கி வைத்துவிட்டு, காங்கிரசைத் தோற்கடிக்க கை கொடுங்கள்.

உங்கள் உடலில் ஓடும் தமிழ் ரத்ததில் இன்னும் கொஞ்சமாவது இன உணர்வும் மனிதாபிமானமும் இருந்தால், காங்கிரசைத் தோற்கடிக்க உதவுங்கள். அதுவே ஈழப்போரில் உயிர்நீத்த 20,000க்கும் மேற்பட்ட ஈழச்சொந்தங்களுக்கு நாம் செலுத்தும் உண்மையான அஞ்சலி!