நம் நாடு எங்கே செல்கிறது?

நாம் அனைவரும் மாதா, பிதா, குரு, தெய்வம் என்ற நாலு பேருக்கும், நன்றி சொல்வது வழக்கம். அதுபோல, இப்போது கண்டிப்பாக இரண்டு பேருக்கு நாம் நன்றி சொல்ல கடமைப்பட்டிருக்கிறோம். 


அந்த இருவரும் யார் தெரியுமா?  நம்மிடையே இருக்கும், நீதித்துறையும், பத்திரிகை துறையும் தான். 


எங்கு பார்த்தாலும், கோடி, கோடியாக ஊழல், லஞ்சம். இந்த இரண்டும், நம் நாட்டை பிடித்த பீடைகள். இதை ஒழிக்க முடியாதா... 


'லஞ்சப் பணத்தையும், ஊழல் செய்த பணத்தையும் வெளிக்கொண்டு வருவோம்' என, மார்தட்டி பேசி, மக்களை மயக்கி, ஓட்டு வாங்கி அரசியல் செய்தவர்கள் எல்லாரும் தற்போது என்ன ஆனார்கள் என்றே தெரியவில்லை . 


மக்களின் பொறுமையும் அளவு கடந்து மலையளவு(எவரெஸ்ட்) உயர்ந்து விட்டது. பாவம் அவர்களால் என்ன தான் செய்ய முடியும்? தங்கள் தலையெழுத்தை எண்ணி, கண்ணீர் சிந்துவதைத் தவிர . 


சுப்ரீம் கோர்ட் தன் வழியில் நேர்மையாக செல்வதால்(செல்கிறதா?), இன்று சில ஊழல்வாதிகள், திகார் சிறையில் அடைபட்டு கிடக்கின்றனர். இன்னும் பல பேர் வெயிடிங் லிஸ்ட்டில் இருக்கிறார்கள் . இதை, பத்திரிகைகள் தொடர்ந்து தோலுரித்துக் காட்டினாலே போதும். 


எந்தவித கருணையும் காட்டாமல், அரசியலுக்கு அப்பாற்பட்டு , 'எந்த'  மயக்கத்திற்கும் ஆளாகாமல், குற்றவாளிகளை கடுமையாக தண்டியுங்கள். 


நீதிபதிகளே... நீதியை நிமிர்த்திப் பிடியுங்கள்! 
பத்திரிக்கையாளர்களே...பத்திரிகை தர்மத்தைக் காப்பாற்றுங்கள்...