பதறிய காரியம் சிதறும்- ஒரு குட்டிக் கதை

முன்னொரு காலத்தில் போரில் தொடர்ந்து தோல்வியை தழுவிய ஒரு குறுநில மன்னர் ஒருவர்,  இளைப்பாற, ஒரு மூதாட்டியின் குடிசையில்  தஞ்சம் புகுந்தார். 

அம்மூதாட்டி, அம்மன்னரின் பசியைப் போக்க, ஆப்பம் தந்தார். அதிக பசி காரணமாக, அவசரமாக அந்த ஆப்பத்தின் நடுவில் கையை வைத்த அம்மன்னர், தன் விரல்களை சுட்டுக் கொண்டார்.

'உன் அவசர புத்தியால் கையை சுட்டுக் கொண்டாயே, ஆப்பத்தை ஓரத்திலிருந்து சாப்பிடத் தொடங்கி, நடுப்பகுதியை இறுதியில் சாப்பிட்டால் சுடாது' என்றும், 'போரிலும் நீ, இதுபோன்ற அவசர புத்தியினால்தான் தோல்வியைத் தழுவி இருப்பாய்' என்றும், அந்த மூதாட்டி கூறியுள்ளார். 

அவரின் அறிவுரையை ஏற்று, அந்த குறுநில மன்னன், தன் போர் யுக்திகளை மாற்றிக் கொண்டு, மொகலாய மன்னனை வென்றார் என, ஒரு  கதை உண்டு.

இந்த கதையின் மூலம் நாம் தெரிந்து கொள்வது என்னவெனில் எந்த ஒரு காரியமும் அவசரப் படாமல் நிதானமாக செயல்பட்டால் வெற்றி நிச்சயம் என்பதே... 

டிஸ்கி: இந்த கதை என்னுடைய பள்ளி மாணவர்களுக்காக சொல்லப்பட்ட கதை. இனி வாரம் ஒன்று உங்களுக்காக.. ஹா.ஹா..