இதெல்லாம் ஒரு பொழைப்பா? இப்படிக்கு மனசாட்சி .,!

எங்கோ
போனவாரம்
தொலைந்துவிட்ட
என் “ மணிபர்சின் மீது”
ஞாபகமாய் இருக்கிறது
மனசு...!

என்னால்யோசிக்க
முடியவில்லை
யாரிடம் கிடைத்திருக்கும்?

அதை பிரித்த
அவன்
என்னவெல்லாம் திட்டியிருப்பான்...!

எல். ஐ. சி  இரண்டு தவணை
கட்டவில்லை என்ற
நினைவூட்டல்
கடிதத்தை பார்த்தும்...!

கொடுத்த கடனைக்கேட்டு
அடகுகடையிலிருந்து
வந்திருக்கும் மிரட்டல்
கடிதத்தை பார்த்தும்...!

அவருக்கு
வண்டிவேணுமாம்
இல்லாட்டி
உன் அண்ணனோடையே இரு!!!
என கண்ணீர் வடிக்கும்
என் தங்கையின்
கடிதத்தை பார்த்தும்...!

அவனை கூட  அழைக்கும்
என் எதிர் வீட்டு லதாவின்
சிறிய திருமண அழைப்பிதழைப் பார்த்தும்
என்ன செய்யப்போகிறான்...!

மற்றபடி,

அதில் கசங்கி கிடக்கும் 
விசிடிங்  கார்டுகளை
என்ன செய்திருப்பானோ?

 எப்படியாவது போகட்டும்
“ பர்ஸ்” கிடைத்தது பற்றி
அவனுக்கொரு கவலையும்,

காணாமல் போனது  பற்றி
எனக்கொரு துய‌ரமும்,
என்றைக்கும் எஞ்சியிருக்கும்...!

இனி,
கீழே கிடைக்கும்
“ மணி பர்ஸ்சை”
பார்க்கும் போதெல்லாம்
அவன்
பயந்தே தீரவேண்டும்,
ஒருவேளை
அது  என் “ பர்ஸாக”
இருந்து விடுமோ என்று?

ஹா.ஹா.. இது மீள்பதிவு...