ஊழலும் ,கவுண்டமணியும் - ஒரு பரபரப்புத் தகவல் வீடியோ இணைப்பு

"சுப்பிரமணிய சுவாமி, சுப்ரீம்கோர்ட்டில் தொடுத்த வழக்கு உண்மை அல்ல' என்றும், "ராஜா எந்த தவறும் செய்யவில்லை' என்றும், நம் பிரதமர் சொன்னார். ஆனால், சுப்ரீம்கோர்ட் நேரடி கண்காணிப்பில், "2ஜி' ஸ்பெக்ட்ரம் வழக்கு .விசாரிக்கப்பட்டபோது, ராஜாவுக்கு அதில் தொடர்பு இருப்பதாகக் கூறி, அமைச்சர் பதவியிலிருந்து நீக்கம் செய்யப்பட்டு, பின் கைது செய்யப்பட்டு, இன்று வரை அவர் சிறைவாசம் அனுபவிக்கிறார். 

ஆனால், 'நம் பிரதமர், அனைத்து விவரங்களையும் நன்கு அறிவார்' என, கோர்ட்டில் வாதாடி, ராஜா சவால் விட்டார். இந்நிலையில் கனிமொழி, இந்த வழக்கில் கைது செய்யப்பட்ட பின், ஜாமின் கேட்கும் போது, 'இந்த முறைகேடுகளுக்கு ராஜா தான் பொறுப்பு' என, அவரை மாட்டிவிட்டது, கருணாநிதி தரப்பு!

 "கலைஞர் "டிவி' நிர்வாகத்தை பொறுத்தவரையில், 'அனைத்துக்கும் பொறுப்பு சரத்குமார் ரெட்டி தான்' என, தயாளு அவரை மாட்டிவிட்டார். இப்படி ஒருவரையொருவர் குற்றம் சாட்டும், மிகப்பெரிய ஊழலை செய்தவர்கள், தற்போது, 'பிரதமரே சாட்சி' என்றும், 'அப்போதைய நிதியமைச்சர் சிதம்பரம் மற்றும் தொலைத் தொடர்புத் துறை அமைச்சர் கபில் சிபல் ஆகியோரின் சாட்சியமே போதுமானது' என்றும், மாற்றிக் கூறியுள்ளனர்.

இது, கவுண்டமணியின் வாழைப்பழக் கதையை நினைவு படுத்துகிறது. சிறையில் மாட்டிக் கொண்டவர்கள் மூலமே, உண்மை வெளி வருகிறது.


இதெல்லாம் அரசியல்ல சகஜமப்பா...