எல்லாரும் ஒண்ணுங்க!

எல்லாரும் ஒண்ணுங்க! 

இதனால் சகலமானவர்களுக்கும் தெரிவிப்பது என்னவென்றால், ஒரு வினோதமான புத்தாண்டு பிறக்கப் போகிறது!

ஆம்... 1.1.11 எனத் தொடங்கும் இந்த ஒண்ணு மயம், இதே ஜனவரியில் மீண்டும் 11.1.11 எனவும், நவம்பரில் 1.11.11 மற்றும் 11.11.11 எனவும், "நம்பர் ஒன்'னாக காட்சியளிக்கிறது. 

இந்த தருணத்தில், மாணவர்கள் படிப்பிலும், விஞ்ஞானிகள் மற்றும் மருத்துவர்கள் தத்தம் துறைகளில் ஆராய்ச்சிகள் மேற்கொள்ளும் மற்ற அரசு சார்ந்த, சாரா நிறுவனங்களில் உள்ளோர் அனைவரும், நாமும், "நம்பர் ஒன்' நிலையை, அந்த இலக்கை நோக்கி பயணிக்க முற்பட வேண்டும். 

சிவப்பு கம்பள வரவேற்பு, எட்ட முடியா சாதனைகளுக்கு சொந்தம் என உங்களை மாற்றிக் கொள்ள, ஆயத்தப்படுத்திக் கொள்ள, உங்களால் முடியும் என, முதல் நாளில் சபதம் மேற்கொள்ளுங்கள். 

ஆரோக்கியமான போட்டிகளான, கிரிக்கெட், கால்பந்து, மல்யுத்தம் என நீளும் அனைத்து விளையாட்டுகளிலும், "நம்பர் ஒன்' நிலையை மனதளவிலும், அதை செயல்படுத்தவும், முழுமுயற்சிகளை மேற்கொள்ள வேண்டும்.

 

இந்த ஒன்று என்ற விஷயத்தில், நாம் ஜாதி, மதங்களை மறந்து, எல்லாரும், "இந்தியர்' என்று ஒரு முகமாகி, நதிகளையும் ஒரு முகமாக்கி, இந்தியா, "நம்பர் ஒன்' என்ற சிகரத்தைத் தொட, கைகோர்ப்போம்!