Face book - ல் முகம் காட்டும் பெண்களே ... பேஸ்புக் விபரீதங்கள் !

இது ஒரு பத்திரிகைகையில் படித்த செய்தி. யாரோ ஒரு பெண், அவளுக்கு குணமான கணவன், கல்லூரியில் பயிலும், இரு மகள்கள் என, மாமனார்- மாமியாருடன் கூட்டு குடும்பமாக வாழ்ந்து வருகிறாள்.

பேஸ்புக்'கில், தன் புகைப்படம் மற்றும் முகவரியை வெளிப்படையாகப் பதிந்து வைத்திருந்தாள். இது எப்படியோ, ஒருவருக்கு ஒருவர் பரிமாற்றம் செய்யப்பட்டு, நட்பு வட்டாரம் பெருகியது.

திடீரென ஒருநாள் அவளுடைய மொபைலில் ஒரு அழைப்பு. முப்பது ஆண்டிற்கு முன், காதலித்து ஏதோ ஒரு காரணத்தால் பிரிந்த காதலன் தான், அழைத்திருந்தான். 

தன் தற்போதைய நிலை, கணவர் மற்றும் குழந்தைகள் பற்றி அந்தப் பெண் எவ்வளவோ எடுத்து கூறியும், முன்னாள் காதலன் அதை புரிந்து கொள்ளாமல், காதலி கிடைத்து விட்டாளே என்ற சந்தோஷத்தில் தினமும் மொபைல் மற்றும் பேஸ்புக்'கில் வந்து தொல்லை கொடுத்து வருகிறாராம்.

இதனால், பயந்து போன அந்தப் பெண் எப்போதும் ஒரு வித அச்சத்துடனே காணப்படுகிறாளாம். பேஸ்புக்'கில் ஏன் புகைப்படத்தை போட்டோம் என்று இப்போது வருந்துகிறாளாம்.

பேஸ்புக்'கில் புகைப்படம் மற்றும் மொபைல் எண்ணுடன்,முகவரியும் போட்டு தங்கள் எண்ணங்களை பரிமாறி கொள்ளும் பெண்களே இனி, எச்சரிக்கையுடன் இருங்கள்.