ஆசிரியர்களும் மனிதர்களே.. யோசித்து பகிருங்கள்...

சில நாட்களுக்கு முன்பு  நம் நாட்டு கல்வியின் தரத்தை, சீன நாட்டு கல்வியுடன் ஒப்பிட்டு, முகப் புத்தகத்தில் ஒருவர் கருத்து தெரிவித்திருந்தார். அதில், நம் ஆசிரியர்களில், நூற்றுக்குக்கு, தொண்ணூறு பேர் ஆசிரியர்களுக்கான தகுதியே இல்லாதவர்கள என்பதை உறுதியாக அறியலாம் என குறிப்பிட்டிருந்தார். இது, உண்மையாக ஆத்மார்த்தமாக பணி செய்யும் ஆயிரக்கணக்கான ஆசிரியர்களின் மனதை ரணப்படுத்தி விட்டது. 

நெஞ்சில் ஈட்டி பாய்ச்சிய வலியை ஏற்படுத்தி விட்டது அந்தக் கட்டுரை. உலக நாடுகளுக்கு அறிவு ஜீவிகளை அள்ளி வழங்குவதில், நம் தேசம் என்றென்றும் சளைத்ததல்ல என்பது வரலாறு. அந்த அறிவு ஜீவிகள் வளர வழி வகுத்தது  யார்? ஆசிரியர்கள் தானே... 

அந்தக்காலத்தில் அரசியல்வாதிகள் தொலைநோக்குப் பார்வையுடன் செயல்படாத காரணத்தால்  மனனம் செய்வது மட்டுமே கல்வியின் அடிப்படை முறையாக இருந்திருக்கலாம். அனால் இப்போது படிக்கும் முறையில் பெரிய மாற்றம் நடந்துள்ளது.

படைப்பாற்றல் கல்வி மேலோங்கி இருக்கும் காலமிது. வேண்டுமானால், இன்றைய கல்வித் திட்டத்தில், பண்பாடு, கலாசாரம், நாகரிகம், மனிதநேயம், உலக சமாதானம் ஆகியவற்றையும், சேர்க்கச் சொல்லி வலியுறுத்துங்கள்.

எங்களைப் போல், அர்ப்பணிப்பு உணர்வுடன் பணிபுரிபவர்களை, முடிந்தால், உற்சாகப்படுத்துங்கள். ஆசிரியர்களைப் பற்றி  வாய்க்கு வந்ததை எல்லாம், பேசுவதையாவது நிறுத்துங்கள். ஆனால், தயவு செய்து கொச்சைப்படுத்தாதீர்! 

சில நாட்களுக்கு முன்பு கல்வி விகடனில் வந்த கட்டுரையை படித்தீர்கள் எனில் ஆசிரியர்கள் பற்றி உயர்வாக நினைப்பீர்கள். இதைப் போல எத்துனையோ ஆசிரியர்கள் சம காலத்தில் வாழ்ந்து கொண்டிருக்கிறார்கள்.

அந்தக் கட்டுரையின் சுட்டி: இதோ