ராமதாஸ் செய்து கொடுத்த சத்தியத்தின் படி நடந்திருக்கிறாரா ?

அன்பார்ந்த வன்னியர் இன தோழர்களே....

வன்னியர்கள் மிகவும் பிற்படுத்தப்பட்ட சமூகத்தினர், அவர்கள் முன்னேற வேண்டும் என்பதில் யாருக்கும் மாற்றுக் கருத்து இல்லை. ஆனால் வன்னியர் என்ற சாதிப் பெயரை வைத்துக் கொண்டு, தன் குடும்பத்தை மட்டும் கோடீஸ்வர குடும்பமாக்கி விட்டு, மகனுக்கு பதவி, மருமகளுக்குப் பதவி என்று முழுக்க முழுக்க சுயநலமியாக இருக்கும் இந்த ராமதாஸ் உங்களின் பிரதிநிதியா என்பதை நீங்களே முடிவு செய்யுங்கள்.

தொடக்க காலத்தில் இந்த இயக்கம் உருவாகக் காரணமாக இருந்த பேராசிரியர் கல்யாணி, பேராசிரியர் தீரன், பு.தா இளங்கோவன், குணங்குடி அனீபா, என ஒருவருமே இன்று ராமதாஸோடு ஏன் இல்லை என்பதை யோசித்துப் பாருங்கள்.. தன் குடும்பம் பதவி சுகத்தை அனுபவிக்க வேண்டும் என்பதற்காக, ஆயிரக்கணக்கான வன்னிய இளைஞர்களை போலீஸ் ஸ்டேஷனுக்கும், சிறைக்கும், கோர்ட்டுக்கும் அலைக்கழித்து விட்டு, தான் மட்டும் கோடிகளில் திளைக்கும் இந்த விஷக் கிருமியா உங்களின் தலைவன் என்பதை நீங்கள்தான் முடிவு செய்ய வேண்டும். இந்த நபரின் சுயநலத்தால் எத்தனை வன்னிய இளைஞர்களின் எதிர்காலம் இன்று கேள்விக்குறியாகி இருக்கிறது என்பதை யோசித்துப் பாருங்கள்.

பெண் கொடுத்து பெண் எடுக்கும் உறவுகள் இல்லாவிட்டாலும், பெரிய உறவுச்சிக்கல் இல்லாமல் பழகி வந்த தலித் மற்றும் வன்னிய மக்களை இன்று நேருக்கு நேர் பார்த்துக் கொள்ளாத வகையில் பகையாளியாக்கியதற்கு யார் காரணம் என்று யோசித்துப் பாருங்கள்.... இந்த சுயநலமியையும் அவர் குடும்பத்தையும் புறக்கணிப்பது மட்டுமே, வன்னியர்களின் முன்னேற்றத்துக்கு வழிவகுக்கும்.

ராமதாஸ் வன்னியர்களுக்கு செய்து கொடுத்த சத்தியத்தின் படி நடந்திருக்கிறாரா என்பதை உங்களை நீங்களே கேட்டுக் கொள்ளுங்கள்.

ராமதாஸ் ஆகிய நான் வன்னிய மக்களாகிய உங்களுக்கு ஐந்து சத்தியங்களை செய்து தருகிறேன். இது என் தாய் மீதான சத்தியம்:

1. நான் எந்த காலத்திலும் சங்கத்திலோ (வன்னியர்) அல்லது கட்சியிலோ, எந்த ஒரு பதவியையும் வகிக்க மாட்டேன்!

2. சங்கத்தின் பொதுக்கூட்டங்களுக்கும் பொது நிகழ்ச்சிகளுக்கும், எனது சொந்தச் செலவில்தான் வந்து போவேன். ஒரு கால கட்டத்தில் என்னிடம் காசு இல்லாமல் போனால் நான் ஓய்வு எடுத்துக் கொள்வேனேயொழிய, ஒரு போதும் மற்றவர் செலவில் வந்து போகமாட்டேன்!

3. எனது வாழ்நாளில் நான் எந்தத் தேர்தலிலும் போட்டியிடமாட்டேன். எனது கால் செருப்புக்கூட சட்டமன்றத்திற்குள்ளும் பாராளுமன்றத்திற்குள்ளும் நுழையாது!

4.எனது வாரிசுகளோ, எனது சந்ததியினரோ, யாரும் - எந்தக் காலத்திலும் சங்கத்திலோ (வன்னியர்) அல்லது கட்சியிலோ, எந்த ஒரு பதவிக்கும் வரமாட்டார்கள்!

5. எனக்கு இந்த நாட்டின் பிரதமர் பதவி கொடுத்தாலும் சரி; ஸ்விஸ் வங்கியில் ஆயிரம் கோடி ரூபாய் என் பெயரில் போடுவதாக பேரம் பேசினாலும் சரி. இந்த ராமதாஸ் விலை போகமாட்டாள் - இது சத்தியம்! என் தாய்மீது சத்தியம்!

இதையெல்லாம் உங்கள் டைரியில் எழுதி வைத்துக் கொள்ளுங்கள். என் தாய் மீது செய்து கொடுத்த இந்த சத்தியத்தை மீறி, நான் நடந்தால் என்னை நடு ரோட்டில் நிறுத்தி வைத்து, சவுக்கால் அடியுங்கள்!

முகப்புத்தகத்திலிருந்து...