இது சந்தியாவின் முத்தம்

அபூர்வமான

ஒரு தனிமையில்

உட்கார்ந்து  கொண்டிருந்தோம்.

வார்த்தைகளின்

இடைவெளிகளை நிரப்பிய

நெகிழ்வான மௌனங்கள்

கரைத்துக் கொண்டிருந்தன

நாம் பேச இயலாத

சஞ்சலங்களை.

அந்த அடர்ந்த வனத்தின்

ஒற்றைப் பட்டாம்பூச்சியைப் பின்

தொடர்ந்துக்கொண்டிருக்கிறது

உன் மனம்.

இந்த நீர்க்குமிழிக் கணத்தின்

எதோவொரு இழையில்

மீண்டும் பலப்படுகிறது

நம் நட்பு .

நெகிழ்வுகள் நீங்கிய

வேறொரு தருணத்தில்

பிரித்துக் காட்டுவேன்

அதற்கு

நான் தந்த விலையை...!

மறுபதிவு .,

படங்கள் உதவி கூகிள்.