தன்னை இந்து என்று சொல்லிக் கொள்ளக் கூடாதாம். என்ன கொடுமை சார் இது?

இந்த நாட்டில், ஒரு கிறிஸ்தவர், "நான் கிறிஸ்தவன்' என்று சொல்லிக் கொள்ள வெட்கப்படத் தேவையில்லை. அதே போல, ஒரு முஸ்லிமும், "நான் முகமதியன்' என்று சொல்ல, யாருக்கும் அஞ்ச வேண்டியதில்லை.

 "நான் தலித், நான் வன்னியன், நான் நாயுடு, நான் முதலியார், நான் செட்டியார், நான் தமிழன், நான் தெலுங்கன், நான் மலையாளி, நான் கன்னடியன், நான் மராட்டி, நான் பீகாரி, நான் அசாமி, நான் பெங்காலி, நான் குஜராத்தி' என்று சொல்லிக் கொள்ள, எந்தவித எதிர்ப்பும், எந்த மூலையிலிருந்தும் எழுந்ததில்லை. 

சொல்லப் போனால், அவ்வாறு கூறிக் கொள்வதில், அவர்கள், பெருமைப்பட்டுக் கொள்கின்றனர். ஆனால், "நான் இந்து' என்று, ஒருவர் பகிரங்கமாகக் கூறிக் கொண்டதால், வந்தது வினை. கண்ட இடங்களிலிருந்து, விமர்சனமும், சகட்டு மேனிக்கு கண்டனமும், கன்னா பின்னாவென்று எழுகிறது. 

அதுவும் மெத்த படித்தவர், பொருளாதார மே தை, பொருளாதாரத்திற்காக நோபல் பரிசு பெற்ற ஒருவர், குஜராத் முதல்வர், மோடி, தன்னை ஒரு இந்து என்று கூறிக் கொண்டதற்காக, எதிர்ப்புத் தெரிவித்திருப்பது, ஆச்சரியமாக உள்ளது. அமர்த்தியா சென்னின் அறிவு, அவ்வளவு தானா என்ற ஆதங்கம் எழுகிறது. 

குஜராத் முதல்வர் மோடியை, நாட்டின் அடுத்த பிரதமர் என்று, பலரும் கூறுவதில், சென்னுக்கு உடன்பாடில்லையாம். அமர்த்தியா சென்னுக்கு உடன்பாடில்லாவிடில், மோடி, நாட்டின் பிரதமராக தேர்வு செய்யப்பட மாட்டாரா? பிரதமரை தேர்ந்தெடுப்பது, நாட்டு மக்கள்; பொருளாதார மேதைகள் அல்ல. அமர்த்தியா சென், முதலில், இதைப் புரிந்து கொள்வது நல்லது.

மோடி, முதலில், தன்னை மதச்சார்பற்றவர் என்று நிரூபிக்க வேண்டுமாம்; சென் சொல்கிறார். எப்படி? சீதை தீக்குளித்து, தன் கற்பை நிரூபித்தது போல, மோடி தீக்குளிக்க வேண்டுமா?

அமர்த்தியா சென் போன்ற பொருளாதார புலிகள், ஒரு விஷயத்தில் தெளிவடைவது உத்தமம். கோத்ரா சம்பவத்தைத் தொடர்ந்த கலவரத்தை விடுங்கள். மோடி முதல்வராக உள்ள குஜராத்தில், முஸ்லிம்களும், கிறிஸ்தவர்களும், சீக்கியர்களும் இல்லவே இல்லையா? குஜராத்தை விட்டு ஓடியா போய்விட்டனர்? அவரது ஆட்சியில், அவர்கள் அங்கு அமைதியாகத்தானே வாழ்ந்து கொண்டு இருக்கின்றனர்... பிறகென்ன!

இந்திய திருநாட்டில் பிறந்த ஒரு இந்து, தன்னை இந்து என்று சொல்லிக் கொள்ளக் கூடாதாம். என்ன கொடுமை சார் இது?

- ஈமெயில் கணேசன்