மாணவர்களை பழிவாங்குகிறதா மத்திய அரசு?

மத்திய இடைநிலைக் கல்வி வாரியம், "சி.பி.எஸ்.இ., - சி.சி.இ.,' என்ற, புதிய கல்வி முறையை அறிமுகப்படுத்தியுள்ளது.

இப்புதிய கல்விமுறை மூலம், 10ம் வகுப்பு மாணவர்களுக்கு, உள்ளீட்டு மதிப்பெண்கள் 60, பள்ளி இறுதித் தேர்வின் மூலம் 40 மதிப்பெண்களும் வழங்க, வகை செய்யப்பட்டுள்ளது. 

இந்த 60 உள்ளீட்டு மதிப்பெண்களை, திறன் பதிவுகள் மூலமே ஆசிரியர்கள் வழங்க வேண்டும் என, அறிவுறுத்தப்பட்டுள்ளது. அதாவது, மாணவர்கள் தயாரிக்கும் புராஜக்ட், அசைன்மன்ட் மற்றும் இதர வகுப்பறை செயல்பாடுகளை பரிசீலித்தே, இந்த திறன் பதிவுகளை செய்ய வேண்டும்.இதுபோன்ற புதிய வகுப்பறை செயல்பாடுகள் காரணமாக, ஆசிரியர்களின் கற்பிக்கும் பணி வெகுவாக குறைந்து, திறன் பதிவுகளை செய்வதிலேயே அவர்கள் முழு கவனமும் உள்ளது. 

இப்புதிய முறையில், தேர்வுகளுக்கு அதிக முக்கியத்துவம் வழங்கப்படுவதில்லை. இதனால், பெற்றோருக்கு, தங்கள் பிள்ளைகளின் தரத்தை அறிந்து கொள்ள முடியாத நிலை ஏற்பட்டுள்ளது.புதிய முறையின் மூலம் கற்பிக்கும் பணி மிகவும் குறைந்துவிட்டதால், மாணவர்களின் கற்கும் திறனும், அறிவு வளர்ச்சியும், வெகுவாக பாதிப்படையும் என்ற நிலை உள்ளதால், பெற்றோரின் அச்சம் மேலும் அதிகமாகியுள்ளது.

எல்லாவற்றுக்கும் மேலாக, 60 உள்ளீட்டு மதிப்பெண்களை பள்ளிகளே வழங்கலாம் என்ற நிலை உள்ளதால், பள்ளி நிர்வாகங்கள் மாணவர்களையும், பெற்றோரையும் மிரட்டும் போக்கு அதிகரிக்க வாய்ப்புள்ளதாக தெரிகிறது.

இதற்கான தீர்வை பின்னூட்டமிடவும்.

பதிவு பிடித்திருந்தால்  அவசியம் ஒட்டு போடவும் அதனால் கருத்துக்கள் பரவுகின்ற வாய்ப்பு கிடைக்கபெறும்.